U vioscy Smalany Aršanskaha rajona Viciebskaj vobłaści ŭ noč na 22 listapada byŭ zabity miascovy pravasłaŭny śviatar, nastajaciel Carkvy Praabražeńnia Haspodniaha ajciec Alaksandr Marozaŭ.
Jak paviedamlaje pres-słužba arhkamiteta pa stvareńni partyi «BCHD», pa niepaćvierdžanaj infarmacyi, zabojca — čałaviek, jakomu śviatar dapamahaŭ i, mahčyma, puściŭ da siabie pieranačavać.
Jak adznačyŭ Pavieł Karaloŭ, asabista znajomy sa śviatarom, ajciec Alaksandr byŭ apiekunom carkvy, pabudavanaj u XVIII stahodździ i jakaja pry im nabyła naležny vyhlad.
Jon taksama dobraŭparadkavaŭ terytoryju kala carkvy, pabudavaŭ padziemny chram. Śviatar taksama ŭdzielničaŭ u praviadzieńni mastackaha pleneru ŭ Smalanach, dapamahaŭ vałancioram, jakija daśledavali historyju vioski i byłoha katalickaha klaštara daminikanaŭ.
