1 śniežnia, paśla doŭhaha pierapynku, u Vilni ŭ hreka-katalickaj carkvie sv. Trojcy adbyłasia imša, jakaja achviaroŭvałasia za słuckich paŭstancaŭ, za viaźniaŭ, jakija siadziać u biełaruskich turmach, za ks. U. Łazara, za novapryznačanych biełaruskich biskupaŭ.
Sv. Imšu adpraviŭ ks. Daniła Svajak. U joj udzielničali kala 50 čałaviek. Pieršaja adnoŭlenaja Imša adbyvałasia ŭ bazylijanskich murach, jakija dla biełarusaŭ źjaŭlajucca śviatym miescam, znakavym u Vilni. Nasuprać carkvy raźmieščany budynak byłoj Vilenskaj biełaruskaj himnazii.
Pryjemna, što biełarusy-vilenčuki i hości Vilni nie zastalisia abyjakavymi ŭ hety dzień i naviedali nabaženstva. Heta daje nadzieju, što biełaruskija słužby buduć adnoŭlenymi i stanuć rehularnymi.
0
0
0
0
0
0