Na pracesie nad uładalnikam kazino «Dańkoŭ kłub» Juryjem Dańkovym pačalisia sudovyja sprečki.
Pavodle infarmacyi z Maskoŭskaha rajonnaha suda Minska, dzie prachodzić praces, na papiarednim dni pracesu ŭ minułuju piatnicu prakuror pa spravie Juryja Dańkova zaprasiŭ dla jaho 9 hadoŭ źniavoleńnia z kanfiskacyjaj majomaści.
2 śniežnia na pracesie majuć vystupić advakaty.
Pavodle svajakoŭ Juryja Dańkova, abvinavačany tak i nie pryznaŭ svajoj viny pa bolšaści vystaŭlenych abvinavačańniaŭ, u tym liku ŭ arhanizacyi ŭ kłubie prytona i schileńni da zaniatkaŭ prastytucyjaj. Usiaho Juryja Dańkova abvinavačvajuć pavodle 7 artykułaŭ kryminalnaha kodeksu.
Praces nad Juryjem Dańkovym idzie ź vieraśnia ŭ Maskoŭskim rajonnym sudzie Minska ŭ zakrytym režymie. Sudzić biznesmena sudździa Natalla Kuźniacova.
