 |
30 vieraśnia Apostalski Administratar Minska‑Mahiloŭskaj Archidyjacezii ksiondz‑biskup Antoni Dziamjanka naviedaŭ ź vizitacyjaj parafijalny kaścioł u vioscy Zaśvir, dzie adsłužyŭ Śviatuju Imšu ŭ intencyi za znakamitaha katalickaha śviatara, biełaruskaha paeta Kanstancina Stapoviča (Kazimira Svajaka). Jaki z 1920 da 1926 hoda słužyŭ u hetym kaściole, i heta było jaho apošniaje miesca pracy.
Dziŭna, ale Antoni Dziamjanka Imšu vioŭ na polskaj movie. I što jon chacieŭ hetym padkreślić? Praktykujučyja vierniki i tak dobra viedajuć schilnaści jaho da čužoj movy. Ale ž imša na hety raz była za ščyraha biełarusa, śviatara‑patryjota. Nu, chiba što babulam dahadziŭ!
Padčas imšy biskup aśviaciŭ pamiatnuju došku ŭ honar Kazimira Svajaka. Niadaŭna takim ža čynam ušanavali znakamitaha śviatara ŭ kaściołach vioski Kamai i vioski Kluščany. U svoj čas, K.Svajak, tam taksama słužyŭ Bohu.
 Antoni Dziamjanka |
U Zaśvirskim kaściole na pamiatnaj došcy jość słovy: «staraŭsia być čystaj i prostaj myśli». Cam K.Svajak prasiŭ pachavać jaho na radzimie, u Kluščanach, i napisać hetyja słovy na nadmahilnym pomniku. Ale naščadki praihnaravali jaho apošniuju prośbu.
Pamiatnuju došku vyrabiŭ majstra‑samavučka z Hudahaju, Valeryj Burdun. A inicyjataram i vykanaŭcam idei ŭšanavańnia pamiaci znakamitaha ziamla źjaviłasia Iałanta Vałujevič, krajaznaŭca ź vioski Spondy, što na Astravieččynie. Paśla imšy jana vystupiła z refieratam pra žyćciovy šlach K. Svajaka. Uzrušyli jaje słovy pra toje, što ciapier jak i pry žyćci, u Kazimira Svajaka špurlajuć kamiani, navat niekatoryja śviatary, za jaho biełaruskaść i za jaho paetyčnaść.
