Ministerstva zamiežnych spraŭ Šviecyi zaprasiła pasła Ukrainy Valeryja Ściapanava vykazać zaniepakojenaść situacyjaj va Ukrainie.
Pra heta paviedamiŭ ministr zamiežnych spraŭ Šviecyi Karł Bilt u Twitter.
«My vyklikali pasła Ukrainy ŭ ministerstva, kab vykazać našu hłybokuju zaniepakojenaść u suviazi z užyvańniem hvałtu suprać mirnych demanstrantaŭ», — napisaŭ kiraŭnik MZS Šviecyi.
Akramia taho, u Ministerstva zamiežnych spraŭ Litvy ŭ paniadziełak vyklikali ŭkrainskaha ambasadara ŭ hetaj krainie Valeryja Žaŭcienku, paviedamlaje «Interfaks-Ukraina» sa spasyłkaj na litoŭskaje MZS.
Ambasadaru Ukrainy ŭ Vilni litoŭski MZS vykazaŭ zaniepakojenaść z nahody prymianieńnia fizičnaj siły suprać demanstrantaŭ u Kijevie na Majdanie Niezaležnaści u noč na 30 listapada.
Taksama praz dypłamata ŭładu Ukrainy zaklikali rasśledavać incydenty, jakija adbylisia ŭ noč ź piatnicy na subotu, i pakarać vinavatych.
Žaŭcienka, u svaju čarhu, painfarmavaŭ, što ŭkrainskaje kiraŭnictva asudziła dziejańni milicyi.
