Pałata pradstaŭnikoŭ pryniała siońnia ŭ druhim čytańni papraŭki ŭ Pavietrany kodeks Biełarusi.
U pryvatnaści, papraŭki ŭvodziać tak zvanyja niezvarotnyja taryfy (łaŭkost). Heta dazvolić biełaruskim avijacyjnym arhanizacyjam ažyćciaŭlać hnutkuju taryfnuju palityku. Źjavicca nizki cenavy siehmient, a značyć ajčynny pieravozčyk stanie bolš kankurentazdolnym pa adnosinach da zamiežnych kampanij.
Pry hetym vyrazna vyznačajecca kolkaść damovaŭ, zaklučanych z užyvańniem łaŭkostu, — nie bolš za 30% niezvarotnych taryfaŭ ad ustanoŭlenych na maršrucie pavietranaj pieravozki.
Akramia taho, papraŭkami ŭvodziacca paniaćci ekśpierymientalnaj avijacyi, ekśpierymientalnaha pavietranaha sudna, bieśpiłotnaha latalnaha aparata i h.d. Taksama pałažeńni kodeksa pryvodziacca ŭ adpaviednaść z patrabavańniami Mižnarodnaj arhanizacyi cyvilnaj avijacyi.
