Deputaty pałaty pradstaŭnikoŭ na pasiadžeńni 12 śniežnia pryniali ŭ pieršym čytańni prajekt respublikanskaha biudžetu na 2014 hod.
Pavodle słoŭ ministra finansaŭ Andreja Charkaŭca, paramietry biudžetu dazvalajuć zabiaśpiečyć nieabchodnaje finansavańnie sacyjalnaj śfiery, realizavać miechanizmy pavyšeńnia zarabotnaj płaty, akazać dapamohu realnamu siektaru ekanomiki.
Prajekt biudžetu na 2014 hod sfarmiravany zychodziačy z rostu VUP u 3,3%. Ahulnaja suma dachodaŭ kansalidavanaha biudžetu prahnazujecca ŭ sumie 205 trłn. 984,7 młrd. rubloŭ, abo 29% VUP. Dachody pa prajekcie respublikanskaha biudžetu praduhledžvajucca ŭ sumie 128 trłn. 594,1 młrd. rubloŭ, abo z rostam da čakanaha vykanańnia 2013 hoda na 19%.
Raschody kansalidavanaha biudžetu na 2014 hod prahnazujucca ŭ sumie 205 trłn. 984,7 młrd. rubloŭ, abo 29,1% VUP. Raschody pa prajekcie respublikanskaha biudžetu na 2014 hod sfarmiravanyja ŭ sumie 128 trłn. 594,1 młrd. rubloŭ, abo z rostam da čakanaha vykanańnia 2013 hoda na 15,2%. Takim čynam, farmiravańnie prajekta respublikanskaha biudžetu na 2014 hod zroblena na biezdeficytnaj asnovie.
Charkaviec paviedamiŭ, što vypłaty pa dziaržaŭnym doŭhu ŭ 2014 hodzie składuć 2,6 młrd. dalaraŭ. Urad, pavodle jaho słoŭ, «vałodaje srodkami dla hetych płaciažoŭ». Adnak va ŭradzie ličać «važnym refinansavańnie častki płaciažoŭ», dadaŭ ministr finansaŭ. U pryvatnaści, dla hetych metaŭ płanujecca pryciahnuć źniešnija i ŭnutranyja zapazyčańni ŭ pamiery 2 młrd. dalaraŭ.
Charkaviec padkreśliŭ, što biudžet farmiravaŭsia ŭ ciažkich umovach. «My miarkujem, što jon aptymalny pa ŭzroŭni raschodaŭ, nie ŭtrymlivaje liškaŭ, praduhledžvaje ekanomnaje vykarystańnie kožnaha rubla, sadziejničaje ekanamičnamu rostu rehijonaŭ», — skazaŭ kiraŭnik Minfina.
Jon zaznačyŭ, što ŭrad maje namier «zrabić bolš žorstkaj praktyku vykanańnia biudžetu».
