 |
Biełaruskaje MZS papiaredziła pra adekvatny adkaz na pavyšeńnie Polščaj cenaŭ na vizy dla biełarusaŭ z pryčyny dałučeńnia da Šenhienskaj zony. Siońnia adnarazovaja polskaja viza kaštuje dla biełarusaŭ 5 eŭraŭ, a šmatrazovaja — 24 eŭraŭ. Ad 1 listapada šmatrazovaja viza budzie, vierahodna, kaštavać 60 eŭraŭ.
Ale pavieličeńnie cenaŭ na vizy da 60 eŭraŭ budzie tyčycca nia tolki bolšaści biełarusaŭ, ale i palakaŭ. Zhodna ź mižnarodnaj praktykaj, Biełaruś budzie vymušanaja pryniać adekvatnyja miery — zajaviŭ Andrej Papoŭ, presavy sakratar MZS. Heta značyć, što Biełaruś maje namier takim samym čynam pavialičyć ceny na vizy dla palakaŭ. Pavodle Papova, u Varšavie znachodzicca biełaruskaja delehacyja, jakaja abmiarkoŭvaje mahčymaść źnižeńnia cen i ŭviadzieńnia lhotaŭ dla žycharoŭ prymiežnych terytoryj.
Polšča pieraniasie terminy prymianieńnia novych umoŭ vydačy viz biełaruskim hramadzianam na 1 śjenžnia 2007 hodu. Takaja damoŭlenaść dasiahnutaja pa vynikach dvuchbakovych konsulskich kansultacyj, jakija prajšli 2-3 kastryčnika ŭ Varšavie, paviedamlaje BIEŁTA.
