 |
Były kancler Niamieččyny Hierchard Šroder vielmi aktyŭna pačaŭ šukać padtrymku ŭ Eŭraźviazie dla rasiejska — niamieckaha Paŭnočnaha hazapravodu. U 2010 hodzie pa trubapravodzie, jaki planujecca zbudavać na dnie Bałtyjskaha mora, z Rasiei ŭ Niamieččynu pavinien nakiravacca haz.
Šroder źjaŭlajecca kiraŭnikom naziralnaj rady firmy NordStream, što zajmajecca budovaj hazapravodu, sprabuje pierakanać čynoŭnikaŭ u Bruseli ŭ nieabchodnaści takoha prajektu. Da takoha kroku Šrodera schiliła rašeńnie Estonii ab zabaronie budavać mahistral na jaje terytaryjalnych vodach.
Eks‑kancler Niamieččyny namahajecca pierakanać Eŭrapiejsku kamisiju ŭ važkaści prajektu dla zabiaśpiečeńnia Eŭropy hazam. Takim čynam Šroder choča praduchilić čarhovyja pratesty paŭnočnych krainaŭ. Firma NordStream zaniepakojenaja mahčymymi stratami, pakolki rasiejskija j niamieckija huty padpisali kantrakty na sotni miljonaŭ eŭra ab pastaŭkach abstalavańnia dla budovy hazapravodu.
Suprać paŭstańnia hazapravodu vykazvajucca taksama ekalahičnyja arhanizacyi. Sprava ŭ tym, što ŭ vakolicach vyspaŭ Barcholm i Hotland znachodzicca kala 40 tys. tonaŭ snaradaŭ z časoŭ II suśvietnaj vajny.
Suprać Paŭnočnaha hazapravodu vykazvajecca taksama j Polšča. Pryčynaj dla hetaha źŭlajecca nia tolki ekalahičnaja biaśpieka, ale j zaniepakojenaść, što rasiejska‑niamieckaja mahistral, jakaja paŭstaje ŭ abychod Polščy, admoŭnym čynam paŭpłyvaje na enerhietyčnuju biaśpieku krainy.
