Miesca, dzie znachodzicca šylda, maje vialikaje značeńnie dla biełarusaŭ. U 1347 h. tam byli pakaranyja pakutnickaj śmierciu try vilenskija pakutniki, a ciapier užo śviatyja — Antoni, Jan dy Jaŭstafij. Tam ža znachodziłasia j Biełaruskaja himnazija, da dziejnaści jakoj majuć niepasrednaje dačynieńnie Maksim Harecki j Natalla Arsieńnieva. U 20‑ch hadoch minułaha stahodździa aŭtarka himnu «Mahutny Boža» navučałasia ŭ himnazii, a nastaŭnikam biełaruskaj movy ŭ jaje byŭ Maksim Harecki.
Radzim Harecki (plamieńnik Maksima Hareckaha): Siońnia vielmi radasna, što Maksim Harecki j jaho lubimaja vučanica sustrelisia razam amal praz 90 hadoŭ. Ich duch tut, z nami.
Memaryjalnyja šyldy stvaryŭ biełaruski skulptar Aleś Šaternik. Mastak pryznaŭsia, što pieršapačatkova planavałasia ŭstalavać došku ŭ Rasiei, dzie doŭhi čas žyŭ klasyk. Adnak, jak zaŭvažyŭ Šaternik, Rasiei biełaruskija praroki niepatrebnyja.
Na ŭračystaści prysutničali vilenskija biełarusy, a taksama pradstaŭniki šerahu biełaruskich arhanizacyjaŭ. Mienavita ich koštam byli vyrablenyja doški. Pradstaŭniki aficyjnych uładaŭ Biełarusi na adkryćci pamiatnych šyldaŭ nia byli zaŭvažanyja.