Bolš za miesiac biez treniera zastavaŭsia srebrany pryzior čempijanata Biełarusi.
Siońnia «harniakoŭ» uznačaliŭ viadomy śpiecyjalist Siarhiej Baroŭski. Kantrakt padpisany pa sistemie «1+1».
Vakansija treniera «Šachciora» vyzvaliłasia paśla taho, jak u kancy siezona kamandu pakinuŭ Uładzimir Žuraviel. Jon čatyry hady treniravaŭ kamandy i štohod zavajoŭvaŭ ź joj srebranyja miedali. Ale nivodnaha razu nie prachodziŭ raŭnd u jeŭrakubkach.
Ciapier Žuraviel uznačaliŭ minskaje «Dynama».
Siarhieju Baroŭskamu – 57 hadoŭ. Jon čempijon SSSR 1982 hoda ŭ składzie minskaha «Dynama». Pravioŭ dvaccać adnu hulniu za zbornuju SSSR.
Trenierskuju karjeru pačaŭ u 1989 hodzie, uznačaliŭšy kłub «Maładziečna». Dvojčy treniravaŭ zbornuju Biełarusi. Mienavita pry im była atrymanaja słavutaja pieramoha nad Hałandyjaj – 1:0. U druhi raz jaho karjera ŭ zbornaj skončyłasia haniebnym parazaj ad Andory – 0:2.
«Šachcior» stanie vośmym biełaruskim kłubam u karjery Baroŭskaha. Jašče jon papracavaŭ u Małdovie, Litvie (staŭ čempijonam z «Kaŭnasam»), Ukrainie. Apošnim jaho miescam pracy była moładzievaja zbornaja Kazachstana, ale byŭ adpraŭleny ŭ adstaŭku paśla parazy ad biełarusaŭ.
Baroŭski viadomy svaimi doŭhimi tearetyčnymi zaniatkami. Kažuć, što nivodzin biełaruski trenier nie ŭdzialaje stolki ŭvahi teoryi, jak Baroŭski.
