Skaračeńnie kolkaści kantrolnych słužbaŭ na miažy, pieranos spahnańnia zboraŭ za prajezd transpartnych srodkaŭ pa aŭtamabilnych darohach ahulnaha karystańnia i płaty za prajezd ciažkavahavych i bujnahabarytnych transpartnych srodkaŭ z punktaŭ propusku ŭnutr krainy dazvolać paskoryć pasažyra-i tavarapatoki.
Adpaviedny ŭkaz «Ab pytańniach dziejnaści mytnych orhanaŭ i uniasieńni źmianieńniaŭ i dapaŭnieńniaŭ u niekatoryja ŭkazy Prezidenta Respubliki Biełaruś» padpisaŭ kiraŭnik dziaržavy.
Mytnym vorhanam Biełarusi pieradajucca asobnyja funkcyi Transpartnaj inśpiekcyi Mintransa, jakija ažyćciaŭlajucca niepasredna ŭ aŭtadarožnych punktach propusku praź dziaržaŭnuju miažu, za vyklučeńniem tych, što realizujucca ŭnutry krainy.
U suviazi ź pieradačaj funkcyj ŭnosiacca adpaviednyja źmieny ŭ narmatyŭnyja pravavyja akty, jakija rehulujuć pytańni arhanizacyi kantrolu za ažyćciaŭleńniem mižnarodnych aŭtamabilnych pieravozak (aŭtamabilny kantrol) i zachavańniem paramietraŭ aŭtamabilnych transpartnych srodkaŭ (vahahabarytnyja kantrol).
Aproč taho, upaŭnavažanyja słužbovyja asoby mytnych vorhanaŭ nadzialajucca pravam składańnia pratakołaŭ ab administracyjnych pravaparušeńniach u častcy nievykanańnia paradku ažyćciaŭleńnia mižnarodnych aŭtamabilnych pieravozak i ŭdziełu ŭ darožnym ruchu ciažkavahavych i bujnahabarytnych transpartnych srodkaŭ.
