Taryfy na elektraenierhiju dla nasielnictva pavinny pakryvać sabiekošt jaje vypracoŭki. Takoje mierkavańnie vykazaŭ hienieralny dyrektar RUP «Minskenierha» Pavieł Drozd.
U ciapierašni čas sabiekošt 1 kVt·h elektraenierhii składaje Br917. «Voś stolki i pavinna ŭ pierśpiektyvie kaštavać elektraenierhija», - padkreśliŭ hiendyrektar. Pavodle jaho acenki, taryfy dla nasielnictva na ŭzroŭni sabiekoštu źjaŭlajucca ekanamična najbolš razumnymi.
«Jość rašeńnie Saŭmina, nakiravanaje na pamianšeńnie pierakryžavanaha subsidziravańnia, i hetaha kursa treba prytrymlivacca niaŭchilna. Bo siońnia za toje, što niedapłačvajuć fizičnyja asoby, płaciać subjekty haspadarki.
U vyniku, što niedapłacili za elektraenierhiju, potym sami ž i dapłačvajem ŭ košcie kaŭbasy, palito i inšych tavaraŭ», - skazaŭ Pavieł Drozd.
Pry hetym pavyšeńnie taryfaŭ pavinna vieścisia płaŭna, z ulikam rostu dachodaŭ nasielnictva.
Pavodle acenki Paŭła Drazda, pa miery padaražeńnia elektraenierhii dla nasielnictva pavialičvajecca papularnaść dyfierencyravanych taryfaŭ, kali za spažyvańnie elektraenierhii za pieryjad minimumu nahruzki na enierhasistemu, zvyčajna ŭ viačerni i načny čas, vystaŭlajucca nizkija taryfy, a ŭ pieryjady pika spažyvańnia taryfy stanoviacca daražej.
U ciapierašni čas košt 1 kVt·h elektraenierhii ŭ Biełarusi składaje ad Br622,7 da Br732,7 u zaležnaści ad najaŭnaści/adsutnaści hazavaj plity pa adnastavačnym taryfie. Z pačatku 2013 taryfy na elektraenierhiju dla nasielnictva vyraśli ŭ 2,14 razu, taryfy dla subjektaŭ haspadarki sa studzień 2014 pačali pastupova źmianšacca.
