U internecie źjavilisia pieršyja zdymki makietaŭ aŭtamabilaŭ, jakija stvarajuć u miežach prajekta «Kartež» pa raspracoŭcy mašyn rasijskaj vytvorčaści dla pieršych asob Rasii.
Zdymki vykłaŭ u svaim Instagram karystalnikaŭ koribut.
Na pieršym zdymku pradstaŭleny siedan pradstaŭničaha kłasa Marussia L2, jaki raspracoŭvajecca sumiesna z Centralnym navukova-daśledčym aŭtamabilnym i aŭtamatornym instytutam (NAMI). Koribut taksama sfatahrafavaŭ pazadarožnik Marussia F2, jaki stanie mašynaj supravadžeńnia.
Raniej kiraŭnik Minpromtorha Dzianis Manturaŭ zajaŭlaŭ, što pieršyja demanstracyjnyja ŭzory aŭtamabilaŭ dla pieršych asob pakažuć u pačatku 2014 hoda. Va ŭpraŭleńni spravami prezidenta Rasii taksama adznačali, što padobnyja mašyny pastupiać u ahulny prodaž i ich zmohuć nabyć zvyčajnyja hramadzianie Rasiei.
Prajekt «Kartež» zapuścili ŭ 2012 hodzie, vyłučyŭšy na stvareńnie novych aŭtamabilaŭ kala 12 miljardaŭ rasijskich rubloŭ. Prapanavanyja raspracoŭki buduć vypuskać pad markaj «ZIŁ» — vytvorcy mašyn dla kiraŭnikoŭ SSSR.