Lidary apazicyi pakinuli Administracyju prezidenta Ukrainy biez kamientaroŭ.
«Usie my zmožam skazać krychu paźniej», — skazaŭ lidar «Udara» Vital Kličko.
«Usie kamientary buduć na narodnym viečy», - dadaŭ jon.
Miž tym na sajcie prezidenta Ukrainy dadzienyja pieramovy nazvali «pieršym etapam pieramovaŭ».
«Zaviaršyŭsia pieršy etap pieramovaŭ pamiž prezidentam Viktaram Janukovičam, udzielnikami pracoŭnaj hrupy pa ŭrehulavańni palityčnaha kryzisu i liderami apazicyjnych parłamienckich frakcyj», — havorycca ŭ paviedamleńni.
Udzieł u pieramovach prymali Sakratar Rady nacyjanalnaj biaśpieki i abarony, kiraŭnik rabočaj hrupy Andrej Klujeŭ, Daradca Prezidenta Ukrainy Andrej Partnoŭ, Ministr justycyi Alena Łukaš, kiraŭnik frakcyi Palityčnaj partyi «UDAR» Vital Kličko, kiraŭnik frakcyi «VA «Baćkaŭščyna» Arsienij Jacaniuk, kiraŭnik frakcyi «VA» Svaboda» Aleh Ciahnibok.
Sustreča ŭ Administracyi Prezidenta doŭžyłasia bolš za try hadziny.
