Prezident asacyjacyi kabielnaha telebačańnia Rasii Juryj Prypačkin prapanavaŭ adklučyć ad viaščańnia telekanał «Dožd́».
Na dumku Prypačkina, zrabić heta nieabchodna z-za apytańnia, pryśviečanaha 70-hodździu źniaćcia błakady Leninhrada.
«Mianie ŭ apošni čas začapiła pytańnie pa telekanału «Dožd́», jaki pačaŭ pravodzić niejki apytańnie ŭ častcy padziej u Leninhradzie, - zajaviŭ kiraŭnik Asacyjacyi. - U mianie ŭźnikła žadańnie, jak apierataru, uziać i adklučyć takuju infarmacyju, uziaŭšy na siabie niejkija funkcyi cenzuravańnia. Možna heta ci nie, jak da hetaha pastaviacca ŭłady, jak naohuł reahavać, ci možna vykazvać hramadzianskuju pazicyju jak apierataru?»
Jak adznačyŭ Juryj Prypačkin, apošnija padziei ŭ śviecie pakazvajuć, što «my pavinny dumać nie tolki pra ekanamičny, ale i pra vychavaŭčy składnik miedyja».
Apytańnie, pryśviečany hadavinie źniaćcia błakady Leninhrada, źjaviŭsia ŭ efiry telekanała «Dožd́» 27 studzienia.
Pytańnie było sfarmulavana tak: «Ci treba było zdać Leninhrad, kab źbierahčy sotni tysiač žyćciaŭ?». Kiraŭnictva sajta telekanała paźniej paprasiła prabačeńnia za niekarektnaje apytańnie i vydaliła jaho.
Apytańnie raskrytykavali błohiery, palityki i hramadskija dziejačy, a niekatoryja abvinavacili «Dožd́» u abrazie śviatoj pamiaci pra vajnu. Deputaty Dziarždumy RF paabiacali inicyjavać u dačynieńni da telekanała prakurorskuju pravierku.
Hałoŭny redaktar «Doždia» Michaił Zyhar u adkaz zajaviŭ, što telekanał nie staviŭ svajoj metaj nikoha abrazić, i zaŭvažyŭ, što apytańnie było vykarystana dla raźviazvańnia kampanii pa dyskredytacyi «Doždia».
Telekanał «Dožd́» pačaŭ viaščańnie ŭ 2010. Kanał raspaŭsiudžvajecca tolki ŭ internecie i kabielnych sietkach: miesca ŭ multypleksie ličbavych kanałaŭ jamu nie dastałosia.
Asacyjacyja kabielnaha telebačańnia Rasii ( AKTR ) - dobraachvotnaje niekamiercyjnaje abjadnańnie, jakoje stavić svajoj metaj raźvićcio ŭ Rasii sietak kabielnaha telebačańnia i sistem šyrokapałosnaha biespravadnoha dostupu i kaardynacyi ich pradprymalnickaj dziejnaści. AKTR abjadnoŭvaje niekalki dziasiatkaŭ telekanałaŭ i rehijanalnych abjadnańniaŭ z usioj Rasii i šerahu inšych krain (Polšča, Ukraina, Hruzija, Łatvija).
