Aficyjny viaščalnik Alimpijady ŭ našaj krainie — Biełteleradyjokampanija — pakaža pramuju tranślacyju Adkryćcia XXII Alimpijskich hulniaŭ u Sočy. Uračystaja cyrymonija pačniecca 7 lutaha ŭ 19.10 na «Biełaruś-1».
Cyrymonija budzie doŭžycca kala troch hadzin. Poŭny raskład šou trymajecca ŭ sakrecie, ale viadoma, što jano budzie padzielena na dzieviać častak, jakija apaviadajuć pra roznyja pieryjady rasijskaj epochi.
Taksama viadoma, što na adkryćci vystupić rasijski pop-hurt «Tatu». Imiony inšych udzielnikaŭ trymajucca ŭ sakrecie, paviedamlaje By.tribuna.com. Pakul nieviadoma, chto zapalić alimpijski ahoń,
Pieršyja kamplekty miedaloŭ buduć razyhranyja ŭ subotu.
Pakazvać Alimpijadu buduć u asnoŭnym telekanały «Biełaruś-2» i «Biełaruś-5».
Tak u subotu na «Biełaruś-2» tranślacyi pačnucca ŭ 12:50 pakazam spabornictvaŭ pa łyžnych honkach. U 17:20 pačniecca tranślacyja mužčynskaha spryntu ŭ bijatłonie.
Amal uvieś efir «Biełaruś-5» budzie addadzieny Alimpijadzie.
U subotu pieršaja pramaja tranślacyja ŭ 10:20 (słoŭp-stajł — vid frystajłu). Taksama «Biełaruś-5» pakaža ŭ subotu spabornictvy pa kańkabiežnym sporcie, a taksama fihurnaje katańnie.
U niadzielu, 9 lutaha, mahčyma biełarusy zavajujuć pieršy miedal Hulniaŭ-2014. U 17:30 — žanočy sprynt.
