11 lutaha ŭ sudzie Zavodskaha rajona Minska sudździa Žanna Brysina abviaściła prysud pa spravie ab zabojstvie kiraŭnika minskaha kłuba łučnikaŭ-amataraŭ Hanny Sardečkinaj.
Fota TUT.by.
Vinavatym u zabojstvie 27-hadovaj žančyny pryznany jaje były muž Kanstancin Kazłoŭ. Jon prysudžany da 15 hadoŭ pazbaŭleńnia voli ŭ kałonii ŭzmocnienaha režymu. Kazłoŭ pryznaŭ svaju vinu ŭ ździejśnienym złačynstvie.
Sud zadavoliŭ pazoŭ paciarpiełaj pa hetaj spravie, siastry zahinułaj Kaciaryny Sardečkinaj, abaviazaŭšy vinavataha vypłacić joj u jakaści pakryćcia materyjalnaj i maralnaj škody 112,5 młn rubloŭ. Pieršapačatkova pazoŭ byŭ zajaŭleny ŭ pamiery 300 młn rubloŭ.
Hanna Sardečkina źnikła 12 žniŭnia minułaha hoda.
Ab źniknieńni zajaviŭ jaje były muž. Jak vyśvietliłasia, padčas svarki jon zadušyŭ jaje, zatym rasčlaniŭ u vannaj cieła kuchonnym nažom, častku astankaŭ zakapaŭ u lesaparkavaj zonie kala vulicy Alešava, častku ŭtapiŭ u Cnianskim vadaschoviščy.
Svarka byłych muža i žonki adbyłasia ŭ kvatery Kazłova, dzie paśla razvodu žyli Sardečkina ź ich čatyrochhadovym synam Artoryusam, nibyta z-za taho, što žančyna abmiažoŭvała mahčymaść baćki bačycca ź dziciem. Na sudzie Kazłoŭ kazaŭ, što dzicia nie bačyła taho, što adbyvajecca, adnak chłopčyk u sudzie raspavioŭ, što bačyŭ jak «tata mamu pieramoh».
Ni Kazłoŭ, ni jaho advakat pakul nie zajavili ab namiery abskardzić rašeńnie suda.
