Muziej historyi Mahilova — adzin z samych maładych u Biełarusi. Jon byŭ zasnavany ŭ 1990 hodzie, adkryty dla naviedvańnia ŭ 1992-m.
Jaho ekspazicyja, jakaja znachodzicca ŭ budynku haradskoj Ratušy, nie mahła stać bahataj adrazu ž. Tamu supracoŭniki muzieja pačali jaje pakrysie papaŭniać.
Najbolšy rozhałas atrymała pakupka Treciaha Statuta VKŁ.
$45 tysiač byli sabranyja za košt pryvatnych achviaravańniaŭ ad hramadzian, a taksama sponsarskaj dapamohi kampanii Alpari.
U 2012 hodzie ludzi, što viarnuli Statut (dyrektar muzieja Alaksiej Baciukoŭ, archivist Źmicier Jackievič i student Andrej Radkoŭ) byli pryznanyja «NN» ludźmi hoda.
Naprykancy 2012 hoda kniha Kazimira Siemianoviča «Vialikaje mastactva artyleryi» była nabytaja za 3500 jeŭra
Ale ŭstanova rehularna nabyvaje i inšyja kaštoŭnaści, jakija nie zaŭsiody traplajuć u abjektyŭ ŚMI. Padrabiaźniej pra ich možna daviedacca z poŭnaha śpisa pakupak, jakija ažyćciaviŭ muziej sa žniŭnia 2011 hoda. Jon naličvaje 28 pazicyj. Što ź ich samaje cikavaje?
Šabla «kaściuškoŭka», jakaja ŭžyvałasia ŭ vojskach Tadevuša Kaściuški.
Šabla znajšoŭ na dnie Dniapra rybak, jaki prapanavaŭ ekspanat muzieju. Jana była nabytaja Mahiloŭskim harvykankamam za 2,8 młn biełaruskich rubloŭ.
Kluč, jaki naležaŭ Stanisłavu Aŭhustu Paniatoŭskamu, apošniamu karalu Rečy Paspalitaj.
Jaho taksama nabyŭ harvykankam za 1,1 miljonaŭ.
Niekalki inšych cikavostak nabyty muziejam za ŭłasnyja srodki. Heta
arkuš z knihi «Kasmahrafija» Siebaśćiana Miunstera 1598 hoda. U častcy, pryśviečanaj historyi Rečy Paspalitaj, z adnaho boku namalavany polski karol Jan I Olbracht, z druhoha – «polski monstr»
(u tyja časy ŭsie terytoryi, pra jakich mielisia prykładnyja ŭjaŭleńni, zasialalisia pačvarami). Košt arkuša – 20 jeŭra.
Jašče adna admietnaść ekspazicyi –
piŭnaja butelka «Janik», vyrablenaja ŭ pačatku XX stahodździa.
Na joj nadpis na ruskaj movie «PIVOVARIENNYJ ZAVOD' E.F. JANIK' MOHILEV' HUB.». Źviarnicie ŭvahu, jaje košt $200. Piva i aceńvajecca daražej za knihi.
Prykład muzieja historyi Mahilova pakazalny. Jany metanakiravana, biez ažyjatažu papaŭniajuć svaju kalekcyju i viartajuć u Biełaruś jaje kulturnuju spadčynu.
Ciapier muziej zajmajecca pošukam srodkaŭ dla nabyćcia kniha «Apostał», vydadzienaja Śpirydonam Sobalem (Kuciejna, 1632 h.). Pieramovy z pradaŭcom i pošuki srodkaŭ dla pakupki (kala $10 tysiač) praciahvajucca.
