Prezident Kazachstana Nursułtan Nazarbajeŭ zapeŭniŭ, što dalejšaha panižeńnia kursu tenhie nie budzie.
«Dalejšaha źnižeńnia kursu tenhie nie budzie, chvalavacca nie treba. Devalvacyja zabiaśpiečyć rost ekanomiki nie mienš, čym na 6 pracentaŭ u 2014 hodzie», — zajaviŭ Nazarbajeŭ na pašyranym pasiadžeńni ŭrada ŭ piatnicu, pieradaje ahienctva «Naviny-Kazachstan».
Kiraŭnik dziaržavy zaklikaŭ nasielnictva nie panikavać i nie skuplać pradukty charčavańnia ŭ vialikich kolkaściach.
«Nie treba miachami muku skuplać, asnoŭnyja pradukty charčavańnia, što nam nieabchodnyja, u nas jość u dastatku na niekalki hadoŭ. Nie treba chvalavacca», — skazaŭ jon.
Uradu prezident daručyŭ nie dapuścić śpiekulacyj na rynku charčavańnia. «Treba stroha sačyć, kab ciapier śpiekulacyj nie było ŭ handlovych kropkach, kab nie sprabavali zarabić na narodzie», — adznačyŭ Nazarbajeŭ.
