Jak paviedamiŭ BiełaPAN pamočnik načalnika abłasnoha ŭpraŭleńnia MNS Siarhiej Mašnoŭ, pavodle najaŭnaj na hety momant infarmacyi, NZ adbyłosia ŭ vioscy Raździałovičy kala 11 hadzin. U kacielni uzarvaŭsia kacioł, abvalilisia dach i plity pierakryćcia. U hety momant u pamiaškańni znachodziłasia niekalki čałaviek. Na miescy zahinuŭ 41‑hadovy mužčyna, 43‑hadovy i 51‑hadovy atrymali ciažkija cialesnyja paškodžańni. Mužčyny 24, 26 i 43 hadoŭ, jakija, pavodle papiaredniaj infarmacyi, znachodzilisia pobač z budynkam kacielnaj, atrymali lohkija cialesnyja paškodžańni. Bryhadaj chutkaj miedycynskaj dapamohi jany dastaŭleny ŭ rajonnuju balnicu.
Ciapier na miescy zdareńnia pracuje kamisija pa NS pry Hancavickim rajvykankamie. Pryčyny vybuchu vyśviatlajucca.
Jak stała viadoma BiełaPAN, kacielni, što naležyć ŽKH, pracavała na ćviordym palivie. Jana zabiaśpiečvała ciapłom žyły siektar. Kacioł, jaki ŭzarvaŭsia, byŭ vyrableny ŭ 2004 hodzie.
