Dziaciej addajuć u kazaki 5

Mikałaj Ułachovič, viarchoŭny ataman Respublikanskaha hramadzkaha abjadnańnia «Biełaruskaje kazactva»:

«Idzie moładź u kazactva nia tolki tamu, što pryciahvaje litaraturny tvor, napisany Šołachavym. Mnie zdajecca, što isnuje bahata inšych pryčyn. Pa‑pieršaje, duchoŭny pačatak — pravasłaŭje, nu i samo kazactva — heta zdorava, heta padabajecca».

Bolš za 3 hady ŭ ždanovickaj škole‑internacie isnuje kadecki korpus. Mienavita na jahonaj bazie planujecca stvaryć unikalnuju navučalnuju ŭstanovu. Aprača padvalin pravasłaŭnaj relihii, niemałaja ŭvaha ŭ kadeckim korpusie budzie nadavacca fizyčnamu vychavańniu j vajskovaj padrychtoŭcy. Padobnyja specyjalizavanyja škoły papularnyja ŭ Rasiei j Ukrainie. U našaj krainie, akramia stalicy, kazackija klasy dziejničajuć taksama ŭ Homieli j Barysavie.

Pavodle ont.by

Žyćciom kazakoŭ była vajna. Ichnym ramiastvom — sieča. Ichnym dachodam — rabunak. Jany marnieli biaź bitvy.
Źmicier Dziadzienka. Hamlet, prync Rečy Paspalitaj

Heta była ciažkaja, niaroŭnaja baraćba. Carski ŭrad kinuŭ na razhrom «polskaha miaciažu» bolš za 300 tys. žaŭnieraŭ i kazakoŭ, padtrymanych bolš čym tryma sotniami harmat. A paŭstancy časta byli ŭzbrojenyja tolki kosami, pieraroblenymi ŭ dzidy.
Jury Chadyka. Popieł Klaasa

Tatary dapamahali abaraniać dziaržavu. Tatary-kazaki raźmiaščalisia ŭ vakolicach našaj krainy, mieli svaich atamanaŭ i padparadkoŭvalisia charunžym. Ciurkskaje słova "kazak" aznačała ŭ ardzie ludziej, što, parvaŭšy suviaź sa svaim rodam i ŭłasnym kniaziem, zajmalisia vajennaj spravaj jak volnyja najmańniki.
Apanas Cychun, Łasaśnianskija tatary-kazaki

0

0

0

0

0

0