Były čempijon śvietu ŭ ciažkoj vazie Vital Kličko pryniaŭ rašeńnie ŭ druhi raz balatavacca na pasadu mera Kijeva. Pavodle słovaŭ ukrainskaha baksiora, jon pierakanaŭsia ŭ hetym, nazirajučy za tym, što robicca ŭ haradzkoj radzie. Ciapier Kličko — starejšy ačolvaje ŭ joj adnu z frakcyj.
Spartoviec padkreśliŭ, što jon i jaho frakcyja robiać usio dla taho, «kab Kijeŭ byŭ utulnym, zialonym horadam dla tych, chto ŭ im žyvie, kab jon zastavaŭsia histaryčnym horadam, kab nie zhubiŭ svajho tvaru».
Vital Kličko bałatavaŭsia na pasadu mera Kijeva letaś, ale prajhraŭ vybary Leanidu Čarnavieckamu. Mer stalicy Ukrainy vybirajecca terminam na piać hadoŭ.
Vital Kličko praciahvaje zajmacca prafesijnym boksam. Zaraz jon uznaŭlajecca paśla traŭmy śpiny, atrymanaj pry padrychtoŭcy da boju z Džamilem Mak‑Kłajnam, jaki musiŭ adbycca 21 vieraśnia.
