 Andrea Ryhoni |
Siońnia spadar Ryhoni naviedaŭ Viarchoŭny i Kanstytucyjny sudy, ministerstva zamiežnych spravaŭ i administracyju prezydenta. Kiraŭnik presavaj słužby prezydenta Pavał Lohki skazaŭ, što sustrečy z kiraŭnikom krainy Alaksandram Łukašenkam u spadara Ryhoni nie było.
Pa vynikach pieramovaŭ spadara Ryhoni ź ministram zamiežnych spravaŭ presavy sakratar biełaruskaha MZS Andrej Papoŭ skazaŭ:
«Padčas hutarki baki abmierkavali perspektyvy raźvićcia dyjalohu i ŭzajemaadnosinaŭ pamiž Biełaruśsiu i Radaj Eŭropy. Byli taksama zakranuty pytańni dvuchbakovaha biełaruska‑italijskaha supracoŭnictva».
Niekatoryja sustrečy byli admienieny, da prykładu, u Pradstaŭnictvie AAN u Biełarusi. Heta tłumačyłasia zaniataściu spadara Ryhoni i sustrečami ŭ administracyi prezydenta.
Kiraŭnik mižnarodnaj kamisii Pałaty pradstaŭnikoŭ Valancin Simirski skazaŭ:
«Ja nia viedaju z kim jon sustrakaŭsia ŭ administracyi prezydenta. U nas jon sustrakaŭsia z deputatami parlamenta, z kiraŭnikami abiedźviuch pałat. Dobraja była razmova i pryjemna, što jon nastrojeny na dyjaloh i na praciah hetaj razmovy. Dobrazyčlivyja stasunki. Jon skazaŭ, što z zadavalnieńniem prymie zaprašeńnie i pryjedzie siudy ŭ nastupnym hodzie».
