Defiejs anhłamoŭnaha rasiejskaha prapahandysckaha resursu praviali nieviadomyja chakiery.
Sajt aficyjnaha sajta telekanała Russia Today byŭ uzłamany siońnia i na hałoŭnaj staroncy resursu zahałoŭki navin byli źmienienyja. Ab hetym paviedamlajecca ŭ mikrabłohu telekanała.
Nieviadomyja chakiery dadali da zahałoŭkaŭ słova «nazi» i amal paŭhadziny sajt raspaviadaŭ pra toje, što «Rasiejskija sienatary prahałasavali za adpraŭku stabilizacyjnych nacysckich vojskaŭ na ŭkrainskuju terytoryju» i «Pucin: Nacysckija hramadzianie i vojski ŭ niebiaśpiecy va Ukrainie i majuć patrebu ŭ abaronie ŭzbrojenych sił».
Adnavić kantrol nad sajtam redakcyi ŭdałosia tolki praz 30 chvilin.
Jak paviedamlajecca ŭ mikrabłohu resursu, chakiery zmahli atrymać dostup da administracyjnaj častki sajta.