Siońnia ŭ sudzie Centralnaha rajona Minska sudziać zatrymanych učora, 2 sakavika, kala pasolstva Rasii aktyvistaŭ arhanizacyi «Małady front» Źmitra Daškieviča, Jaŭhiena Cichanava i Siarhieja Finkieviča.
Źmicier Daškievič, fota Kiryła Chilko
Źmicier Daškievič siadzić za škłom u milicejskim «Hazeli», fota Kiryły Chilka
Jaŭhien Cichanaŭ, fota Kiryły Chilko
Jaŭhien Cichanaŭ pakazvaje, što jamu parvali koftu.
Daškieviču i Cichanavu inkryminujuć łajanku ŭ hramadskim miescy, Fińkieviču dadatkova — supraciŭ milicyi. Ich padvieźli pad sud (u 11:30), ale amal hadzinu nie vypuskali ź milicejskaj mašyny
Tolki ŭ 12:20 Cichanava paviali ŭ sud Pryčym pryjšła sudździa i zrabiła kruhłyja vočy: «Ja daŭno pryjšła, a ich nie viaduć».
Chutka za Cichanavym u sud paviali Siarhieja Finkieviča. Cichanava, u svaju čarhu, viarnuli ŭ milicejskuju hazel, sud praciahniecca paśla abiedu.
Darečy Jaŭhien Cichanaŭ — aŭtar repartažaŭ-padarožžaŭ z roznych kantynientaŭ, što drukavalisia na sajcie «Našaj Nivy». Jamu pry zatrymańni parvali koftu, a Źmitru Daškieviču złamali apravu dla akularaŭ.
Siarhiej Finkievič (sudździa A. Jakunčychin) asudžany na 10 sutak adm. aryštu (art. 23.4 KoAP — niepadparadkavańnie supracoŭnikam milicyi).
Ciapier sudziać Źmitra Daškieviča. Hramadski aktyvist Leanid Smoŭž, jaki vyjšaŭ z budynka suda, kaža, što, na jaho dumku, sudździa akazvaje moŭny cisk na śviedkaŭ-amapaŭcaŭ.
Adzin sa śviedkaŭ kaža, što Daškievič padčas zatrymańnia sieŭ na ziamlu, inšy — nie paćviardžaje.
Źmicier Daškievič skazaŭ, što budzie padavać skarhu: ich siłaj zapichvali ŭ milicejskuju mašynu, troch pieravozili ŭ bahažniku.
14:22
Źmicier Daškievič asudžany na 12 sutak, Jaŭhien Cichanaŭ taksama na 12 sutak.