Staršynioj maładziožnaj arhanizacyi Abjadnanaj hramadzianskaj partyi «Maładyja demakraty» abrany člen AHP minčanin Alaksandr Šumkievič.
Vybary adbylisia na ŭstanoŭčym źjezdie arhanizacyi, što prachodziŭ 21 kastryčnika ŭ Minsku. Na pasadu vyłučalisia try kandydatury: Alaksandra Šumkieviča, Michaiła Paškieviča i Alaksandra Sierhijenki. Apošni ŭziaŭ samaadvod. Padčas tajnaha hałasavańnia kandydaturu M.Paškieviča padtrymaŭ 21 čałaviek, A.Šumkieviča — 28. Usiaho ŭ hałasavańni ŭziali ŭdzieł 49 delehataŭ z roznych rehijonaŭ Biełarusi.
Z pryvitalnym słovam da delehataŭ źviarnuŭsia lider AHP Anatol Labiedźka. Jon zaklikaŭ ich «zrabić svoj uniosak u budaŭnictva demakratyčnaj i jeŭrapiejskaj Biełarusi». Labiedźka papiaredziŭ, što ŭ členaŭ abjadnańnia, jakoje stvarajecca, «budzie vielmi šmat čarnavoj pracy».
«U roznych maładziožnych arhanizacyjach vielmi šmat pijaru, ale mała čarnavoj pracy. Vy pavinny sami pryniać stratehiju dziejńniaŭ svajoj arhanizacyi i vybrać kiraŭnictva, adkaznaje za jaje ažyćciaŭleńnie. U nas napieradzie šmat pracy — heta i Sacyjalny marš, i budučaja vybarčaja kampanija 2008 hoda, u jakoj, ja spadziajusia, niekatoryja z vas taksama voźmuć aktyŭny ŭdzieł u jakaści kandydataŭ u deputaty parłamienta», — skazaŭ palityk.
A.Labiedźka paabiacaŭ, što Abjadnanaja hramadzianskaja artyija «zaŭsiody budzie dla «Maładych demakrataŭ» častkaj adzinaj kamandy i nadziejnym partnioram».
