Kiraŭnik dziaržavy Alaksandr Łukašenka svaim ukazam pryznačyŭ Anatola Lisa namieśnikam kiraŭnika Administracyi prezidenta Biełarusi, vyzvaliŭšy jaho ad pasady pamočnika prezidenta — hałoŭnaha inśpiektara pa Homielskaj vobłaści.
Pra heta paviedamlaje pres-słužba kiraŭnika dziaržavy.
Anatol Lis naradziŭsia 1 sakavika 1958 h. u vioscy Reŭki Mastoŭskaha rajona Hrodzienskaj vobłaści. Skončyŭ Biełaruski instytut miechanizacyi sielskaj haspadarki, inžynier-miechanik; Minski instytut palitałohii i sacyjalnaha kiravańnia.
Pracavaŭ hałoŭnym inžynieram kałhasa «Kastryčnik» Słonimskaha rajona, vykładčykam, staršym majstram SPTV-199 horada Skidziela, instruktaram Hrodzienskaha rajkama KPB, namieśnikam staršyni sielskahaspadarčaha kalektyŭnaha pradpryjemstva «Kastryčnik» Hrodzienskaha rajona, staršynioj Navahrudskaha rajonnaha vykanaŭčaha kamiteta.
Byŭ deputatam pałaty pradstaŭnikoŭ III sklikańnia.
