19 kastryčnika adbyŭsia kancert Źmitra Vajciuškieviča, na jakim byli prezientavany novyja pieśni na vieršy znanaha metra paezii, publicysta i hramadzkaha dziejača Hienadzia Buraŭkina. Jany składuć listapadaŭskuju prahramu pad nazvaj “Liryka” i naprykancy hoda vyjduć asobnym dyskam. Słuchačy ź ciepłynioj uspryniami papularnyja tvory na słovy R.Baradulina, Uł.Niaklajeva, Ł.Drańko-Majsiuka, A.Rusaka.
“Śpiavak znajšoŭ adekvatny muzyčny styl, jaki adpaviadaje vieršam sučasnych biełaruskich kłasikaŭ, - kaža publicyst i paetka Valancina Aksak. -Stvoranyja ŭ siłaba-taničnym rytmie, jany padrazumiavać mahčymaść być pakładzienymi na muzyku, ich ad pačatku napaŭniaje suhučnaść śpievam. Inšaja sprava praśpiavać Majakoŭskaha, ale i tut artyst nabiraje vyšyniu ščyraściu i pałymianaściu pačućciaŭ.”
Z dalikatnaściu i prafiesijnaściu muzykant padychodzić jak da viadomych paetyčnych uzoraŭ, tak i da prychavanych, i jany ŭ jaho vykanańni stanoviacca maleńkimi šedeŭrami.
Nabližajučysia da falkłornych matyvaŭ, artysty “WZ -Orkiestra” kirujucca biełaruskaj falklornaj miełodykaj, adčuvajuć narodnuju stychiju, nasyčanuju ŭnutranym dramatyzmam, jak heta jaskrava bačna ŭ baładach, kazkach “ Zialony dubočak”, “ Daniła” i inšych.
 Z.Vajciuškievič. |
Adbyłasia premjera niekalkich piesień na vieršy z novaha cykła “Liryka”. Miahkaść, strymanaja raščulenaść, zadušeŭnaść, ŭłaścivyja buraŭkinskaj lirycy, spałučajucca z bahataj arkiestroŭkaj. U novych pieśniach “Tvaja piaščota”, ”Miesiac –žoŭtaja łodka”, “Susiedka” prastupajuć niepaŭtornyja abrysy paezii trapiatkoha majstra.
 Hienadź Buraŭkin ź siamjoj. |
Słova, sahretaje ŭtrapionym pačućciem, napaŭniaje radaściu biełaruskuju dušu.
“Ja pryjemna ŭražany novymi adkryćciami, jakija prapanuje talenavity śpiavak,- kaža pastajanny naviedvalnik prahram, ambasadar Karaleŭstva Šviecyi Stefan Eryksan.
Kab taksama zaachvocić śpievaka da sumiesnaj tvorčaści, my prapanavali jamu vieršy sučasnych šviedskich paetaŭ u pierakładzie Dz. Płaksa, jon pahłyblajecca ŭ ich vyvučeńnie, rychtuje dla ich muzyčnuju afarboŭku”.
