Urad Słavakii daŭ dazvoł na reviersiŭnyja pastaŭki hazu Ukrainie, jakija pavinny praciahnuć kurs na enierhietyčnuju niezaležnaść ad Rasiei šlacham reviersiŭnych pastavak hazu ź Jeŭropy, i ES hatovy joj ŭ hetym dapamahčy.
Meta takoha rašeńnia ŭ tym, kab rasijski haz kaštavaŭ stolki, kolki pavinien kaštavać.
Jak pieradaje ŭłasny karespandent UNIAN u Bruseli, pra heta zajaviŭ kamisar ES pa pytańniach enierhietyki Hiunter Otynhier paśla pasiadžeńnia Savieta ES na ŭzroŭni ministraŭ enierhietyki 28 krain-členaŭ.
«Słavacki ŭrad siońnia vyrašyŭ — i heta vielmi važna ŭ stratehičnym płanie — što reviersiŭnyja pastaŭki mohuć iści z Słavakii va Ukrainu. Vialisia pieramovy pa Miemarandumie ab uzajemarazumieńni, i jon na stale siońnia. Ukrainski ŭrad nie byŭ stabilny. Ale ad 19 sakavika ŭsie znoŭ zapracuje ź pieramoŭnym pracesam. Jość užo novy ŭkrainski ŭrad. Takim čynam, naša stratehija — dyviersifikacyja», — skazaŭ Otynhier.
«Meta nie ŭ tym, kab admovicca naohuł ad rasiejskaha hazu, a kab rasijski haz kaštavaŭ stolki, kolki pavinien kaštavać. Majem haz z Narviehii, Ałžyra, Azierbajdžana, terminały dla pryniaćcia zvadkavanaha hazu, słancavy haz. Kali my skažam Rasii, što možam atrymlivać haz adusiul i z roznych krynic, to tady rasiejcy buduć bolš sastuplivyja, kab źnizić canu na svoj haz dla Jeŭropy da suśvietnaha ŭzroŭniu i nie było pryviazki cany na haz da cany na naftu», — dadaŭ kamisar ES.
«My možam dapamahčy Ukrainie stać mienš zaležnaj ad Rasii. U minułym hodzie my rabili reviersiŭnyja pastaŭki. Ukraina atrymlivała haz z Polščy i Hiermanii praz reviersiŭnyja pastaŭki. Technična, takim čynam, heta mahčyma ciapier. Toje ž datyčycca i Vienhryi. I Słavakii taksama «, - dadaŭ Otynhier.
Ukraina spyniła aktyŭnyja pieramovy sa Słavakijaj paśla atrymańnia źnižki na haz u śniežni ad Rasiei. Raniej płanavałasia, što z Słavakii Ukraina mahła b atrymlivać bolš za 10 młrd kubamietraŭ hazu, a pastaŭki płanavałasia pačać z druhoj pałovy hetaha hoda.
