Vice-premjer Dźmitryj Rahozin paviedamiŭ na naradzie z prezidentam RF Uładzimiram Pucinym, što zapasu paliva na AES Ukrainy chopić tolki na sakavik i krasavik.
Pavodle jaho słoŭ, asobnaja prablema zaklučajecca ŭ tranzicie jadziernaha paliva praz Ukrainu rasijskim partnioram va Uschodniaj Jeŭropie. Akramia taho, jość pytańni z pastaŭkami paliva samim atamnym stancyjam susiedniaj dziaržavy.
«Zapas paliva na hetych stancyjach jość na sakavik i krasavik, dalej niama», — udakładniŭ vice -premjer.
Jon nahadaŭ, što na dadzieny momant ŭviedzienaja zabarona na takoha rodu pieramiaščeńnie paliva z-za niestabilnaj situacyi ŭ krainie.
Rahozin taksama paviedamiŭ, što Rasatam rychtuje zvarot da MAHATE z prośbaj pravieryć zabieśpiačeńnie biaśpieki pierymietra atamnych elektrastancyj na Ukrainie.
Namieśnik kiraŭnika ŭrada nahadaŭ, što na terytoryi Ukrainy raźmieščany 15 enierhabłokaŭ na čatyroch stancyjach, i jašče čatyry zahłušanych enierhabłoki na Čarnobylskaj stancyi. «Z punktu hledžańnia štatnaj pracy — tam usio narmalna, ale pierymietr biaśpieki zabiaśpiečvajecca pryvatnymi achoŭnymi pradpryjemstvami, a taksama vojskami MUS Ukrainy i słužbaj biaśpieki Ukrainy», — dadaŭ Rahozin.