 |
Sudovaja kalehija pa hramadzianskich spravach pad staršynstvam sudździ Michaiła Basava paśla aznajamleńnia sa spravaj dała słova bakam. Advakatam Juryja Alejnika vystupała Łarysa Atamančuk. Intaresy Akademii kiravańnia pradstaŭlali viadučy juryskonsult navučalnaj ustanovy Dajva Babrovič i načalnik upraŭleńnia kadraŭ i pravavoj raboty Alaksandr Varankoŭ. Zasłuchaŭšy baki, sud syšoŭ na naradu.
«Siońnia nam začytali tolki vynikovuju častku rašeńnia: kalehija pryjšła da vysnovy, što pastanova suda abhruntavanaja i abskardžańniu nie padlahaje. Dzieści praz tydzień my atrymajem kopiju vyznačeńnia, raśpisanaha bolš padrabiazna, i budziem padavać skarhu na imia staršyni Minskaha haradskoha suda», — paviedamiła Ł. Atamančuk u hutarcy z pres‑słužbaj BAŽ.
Advakatka nie ličyć, što rašeńni sudovaj kalehii zaležać ad jaje asabovaha składu. Da prykładu, siońnia ŭ składzie kalehii byŭ adzin z sudździaŭ, što razhladali minułuju kasacyjnuju skarhu Ju. Alejnika.
«Prosta ŭ pieršy raz my abskardžvali rašeńnie suda, jaki pastanaviŭ, što hetaja sprečka nibyta niepadviedamasnaja sudu. Tady kalehija ź im nie pahadziłasia i vyrašyła, što sprava ŭsio ž pavinnaja razhladacca ŭ sudovym paradku. A zaraz my skardzilisia na rašeńnie pa sutnaści spravy, i kalehija pryniała bok suda pieršaj instancyi», — kaža Ł. Atamančuk.
«Maja siońniašniaja pramova ŭ sudzie była karotkaja i adrasavałasia sudździam. Ja źviarnuŭ uvahu na toje, što na ich lažyć adkaznaść za budučyniu krainy. Bo kali studenty buduć vymušanyja źjazdžać vučycca za miažu, kraina zastaniecca bieź śpiecyjalistaŭ», — raskazaŭ pres‑słužbie BAŽ paśla zakančeńnia sudovaha pasiedžańnia Juryj Alejnik.
