Słavuty biełaruski bard adhuknuŭsia na padziei ŭ Krymu novaj pieśniaju.
Tvor atrymaŭ nazvu «Krym». «Rasieja, uvarvaŭšysia ŭ Krym, pierakrojvaje čužyja miežy, što stavić pad pytańnie miežy samoj Rasiei», - kaža muzyka, pradstaŭlajučy kampazycyju, jakuju jon dasłaŭ u redakcyju Tuzin.fm.
Siaržuk blizka da serca ŭsprymaje toje, što ciapier dziecca va Ŭkrainie: «Pa-pieršaje, ukraincy našy braty j lubaja ahresija suprać ich - heta ahresija j suprać nas. Pa-druhoje, Krymskaje chanstva stvaryŭ Vitaŭt i tamu my majem svaju častku adkaznaści za hetuju ziamlu j svoj da jaje santyment. Pa-treciaje, toje, što robić tam Rasieja piarečyć pryncypam cyvilizavanaha śvietu XXI stahodździa». Sokałaŭ-Vojuš adzin z zasnavalnikaŭ biełaruskamoŭnaj płyni ŭ bardaŭskaj pieśni. Apošni jaho albom «Pieśni lisoŭčykaŭ» vyjšaŭ u 2006 hodzie.
