Jak raspavioŭ himnazist Danat Buka, tydzień tamu jaho siastra prapanavała nabyć i paviazać na sumki žoŭta-błakitnyja stužki.
Tak jany chacieli vykazać svaju salidarnaść z ukrainskim narodam. Dzieci nasili takija stužki amal tydzień. Niekatoryja z vučniaŭ vyrašyli padtrymać hetu ideju.
Ale pry sustrečy dyrektar himnazii Ludmiła Chvieraniec zrabiła Danatu zaŭvahu.
Danat Buka: «Dyrektarka sustrakaje, vitajecca «Dobry dzień!», prachodzić, potym kaža: «Danat, stojcie! Što heta ŭ vas takoje?», pakazvaje na stužački. Ja kažu: a što, nielha nasić ci što? A jana, što ŭ nas tut nijakija nie palityčnyja abjadnańni, heta spravy darosłych, kali jany tak chočuć, to chaj raźbirajucca — štości takoje… Ja kažu, pakažycie dakumient, dzie napisana, što mnie nielha siniuju i žoŭtuju stužku nasić razam».
Dyrektarka navat paabiacała vyklikać Danata na razmovu, ale nie vyklikała. A voś jaho siabra na hutarku da dyrektara patrapiŭ. Pa słovach chłopca, piedahoh zajaviła, što za dziaržaŭnym ściaham Ukrainy stajać «fašysty» i «banderaŭcy».
U adkaz chłopiec paprasiŭ pakazać dakumient, jaki zabaraniaje nasić takija stužki. Dyrektarka zaznačyła, što čuła takoje ŭžo ad Buki i vyklikała ŭ škołu baćku chłopca. Jamu piedahoh raspaviała, što Danat Buka drenna ŭpłyvaje na siabra.
Darečy, rodny brat Danata Alaksiej Buka letaś uźniaŭ bieł-čyrvona-bieły ściah u Stakholmie ŭ padtrymku biełaruskaj chakiejnaj zbornaj. Za heta ŭ jaho ŭźnik kanflikt z achoŭnikami stadyjona.
