«U kastryčniku 2013 mužčyna, kirujučy aŭtamašynaj taksi ŭ stanie ałkaholnaha apjanieńnia, ździejśniŭ najezd na žančynu na piešachodnym pierachodzie i źjechaŭ ź miesca zdareńnia. Pravaparušalnik akazaŭsia supraciŭ supracoŭniku DPS ADAI Savieckaha RUUS, jaki prybyŭ dla raźbiralnictva, pry hetym strełam ź pistaleta «Braŭninh» nanios jamu baratraŭmu vucha, paśla čaho byŭ zatrymany paciarpiełym aficeram pry dapamozie inšych hramadzian. Padčas baraćby druhim strełam mužčyna nanios ahniastrelnaje ranieńnie sabie i byŭ špitalizavany», — paviedamiŭ pradstaŭnik upraŭleńnia Śledčaha kamiteta pa Minsku Alaksandr Hierasimaŭ.
Abvinavačvańnie taksistu pradjavili pa dvuch artykułach Kryminalnaha kodeksa – zamach na zabojstva supracoŭnika orhanaŭ unutranych spraŭ u suviazi z vykanańniem im abaviazkaŭ pa achovie hramadskaha paradku, a taksama niezakonnaje nabyćcio, zachoŭvańnie, pieravozka, našeńnie ahniastrelnaj zbroi i bojeprypasaŭ.
Pa słovach Hierasimava, taksist raskajaŭsia, adnak vinu pryznaŭ častkova — admaŭlaje namier zabić supracoŭnika milicyi.
Kryminalnaja sprava pieradadziena prakuroru dla nakiravańnia ŭ sud.