 |
U presavaj słužbie prezydenta taksama patłumačyli, što pradprymalniki buduć abaviazanyja adličać srodki ŭ dziaržaŭny fond i ŭ tym vypadku, kali ich dziejnaść čynić škodu historyka‑kulturnym kaštoŭnaściam albo ŭździejničaje na zony achovy nieruchomaj materyjalnaj historyka‑kulturnaj kaštoŭnaści.
«Aktyŭnaje raźvićcio pradprymalnickaj dziejnaści, imknieńnie stvaryć dadatkovyja mahčymaści dla absłuhoŭvańnia nasielnictva pryvodzić da nehatyŭnaha ŭździejańnia na abjekty historyka‑kulturnaj spadčyny z‑za prytoku vialikaj kolkaści ludziej, transpartu, stvareńnia roznaha kštałtu dadatkovych zbudavańniaŭ», — pryvozić BiełTA paviedamleńnie presavaj słužby kiraŭnika dziaržavy.
U presavym relizie adznačajecca, što ŭkaz prezydenta ŭstaloŭvaje vypadki j paradak vypłaty adličeńniaŭ i kampensacyj, vyznačaje orhany dziaržaŭnaha kiravańnia, jakija ažyćciaŭlajuć kantrol i prymajuć adpaviednyja zachady pry niavypłacie adličeńniaŭ i (abo) kampensacyj albo admovy ad ich vypłaty, a taksama paradak abskardžvańnia hetych rašeńniaŭ u vypadku niazhody ź imi.
Atrymanyja ad pradprymalnikaŭ srodki pavinny buduć nakiroŭvacca ŭ fond prezydenta Biełarusi pa padtrymcy kultury j mastactva. Pavodle rašeńnia rady hetaha fondu atrymanyja srodki «buduć adrasna nakiroŭvacca na vykanańnie mierapryjemstvaŭ pa achovie historyka‑kulturnaj spadčyny», adznačaje presavaja słužba.
