Studyja «Absalut pradakšn» pry padtrymcy Latučaha ŭniviersiteta raspracavała prajekt «Historyja B. 1917-1941 hh.», jaki ŭklučaje sieryju dakumientalnych filmaŭ.
Jany pryśviečany małaviadomamu pieryjadu najnoŭšaj historyi Biełarusi – ad revalucyi 1917 hoda da napadu Hiermanii na Saviecki Sajuz u 1941 hodzie. Dziejnyja asoby – jarkija asoby toj epochi. Chto jany, hieroi ci achviary, hladač moža vyrašyć samastojna.
Pieršy film prajekta pryśviečany piśmieńniku Siarhieju Piasieckamu.
Uradženiec Lachavič, jon udzielničaŭ u biełaruskim antysavieckim ruchu, potym pracavaŭ na polskuju raźviedku.
U turmie, kudy Piasiecki trapiŭ za złačynstvy, jon pačaŭ pisać knihi pa-polsku. Adzin z tvoraŭ, «Kachanak Vialikaj Miadźviedzicy» byŭ vyłučany na Nobieleŭskuju premiju.
Dziejańnie filma pačynajecca ŭ 1918 hodzie, kali małady Piasiecki, pabyvaŭšy ŭ revalucyjnaj Maskvie, viartajecca ŭ Minsk.
Prezientacyja filma, jaho premjerny pakaz i abmierkavańnie z udziełam režysiora Aleny Vieraščahinaj, adbudziecca siońnia, 11 sakavika, u staličnym Cafe Loft (vuł. P. Broŭki, 22). Pačatak a 19-j.