Vystup byłoha prezidenta Ukrainy Viktara Janukoviča, jaki doŭžyŭsia siońnia 8 chvilin (pačaŭsia ad 12:00), paskoryŭ padzieńnie indeksaŭ na Maskoŭskaj biržy.
Da 12:30 pa minskim časie indeks Maskoŭskaj mižbankaŭskaj valutnaj biržy (MMVB) skłaŭ 1321 punkt, źniziŭšysia na 1,34%. Indeks fondavaj biržy RTS upaŭ na 1,22% da 1 144 punkty.
Za paŭhadziny da pres-kanfierencyi Janukoviča RTS upaŭ na 0,8%, a MMVB — na 0,1%.
Kurs dalara na Maskoŭskaj biržy da hetaha ž času ŭpaŭ na dziesiać kapiejek da 36,36 rasijskaha rubla, jeŭra patańnieŭ na 18 kapiejek da 50,4 rubla. Aficyjnyja kursy, ustanoŭlenyja Bankam Rasii na 12 sakavika, składajuć 50,5 rubla za jeŭra i 36,4 rubla za dalar.
Rasijski fondavy rynak pakul nie adnaviŭsia ad abvalnaha padzieńnia ŭ chodzie tarhoŭ «čornaha paniadziełka» 3 sakavika.
1 sakavika Saviet Fiederacyi ŭchvaliŭ uviadzieńnie vojskaŭ na terytoryju Ukrainy, i na pieršych tarhach tydnia inviestary zrabili rasprodaž akcyj na fonie zaściaroh adnosna nastupstvaŭ vajennaj apieracyi.
