Basmanny sud Maskvy vydaŭ sankcyju na zavočny aryšt lidara ŭkrainskaj arhanizacyi «Pravy siektar» Dźmitryja Jaraša. Pra heta 12 sakavika paviedamlaje RAPSI. «Z ulikam źviestak pra asobu i materyjałaŭ spravy nie moža być inšaj miery», — rastłumačyli ŭ sudzie.
Raniej Śledčy kamitet RF zavioŭ suprać Jaraša kryminalnuju spravu za publičnyja zakliki da terarystyčnaj dziejnaści z vykarystańniem ŚMI (častka druhaja artykuła 205.2 i častka druhaja artykuła 280 KK RF). Padstavaj dla pačatku kryminalnaj vytvorčaści stała publikacyja na staroncy «Pravaha siektara» «Vkontaktie», u jakoj Jaraš nibyta źviarnuŭsia da lidara čačenskaha bajevikoŭ Doku Umarava z zaklikam padtrymać Ukrainu. Lidar «Pravaha siektara» byŭ abvieščany Rasijaj u mižnarodny vyšuk.
Pravy siektar zajaŭlaje, što staronka arhanizacyi była ŭzłamanaja.
Rasijskija śledčy taksama zaviali spravu suprać druhoha člena ruchu «Pravy siektar» Alaksandra Muzyčki (Sašy Biełaha). Jaho zapadozryli ŭ bandytyźmie za ŭdzieł u bajavych sutyčkach z rasijskimi fiederalnymi vojskami ŭ Čačni ŭ 1990-ch hadach.
