 Uładzimier Navumaŭ |
Pavodle słoŭ U.Navumava, jon nie zhodny z vykazvańniem apazicyjnych palitykaŭ ab najaŭnaści ŭ Biełarusi palityčnych źniavolenych. «U Biełarusi niama palityčnych źniavolenych, jak i niama palityčnych artykułaŭ. Mnohija asoby, pra jakija havoryć apazicyja, asudžany za kryminalnyja złačynstvy», — zaznačyŭ jon.
U.Navumaŭ paviedamiŭ, što nie analizavaŭ, ci trapiać pad amnistyju asoby, jakich apazicyja nazyvaje palityčnymi źniavolenymi. «Kali jany stroha padychodziać pad pałažeńni zakona, jany buduć vyzvalenyja», — paviedamiŭ ministr.
Adkazvajučy na pytańni žurnalistaŭ, U.Navumaŭ taksama zaznačyŭ, što siońnia «vybrany aptymalny varyjant amnistyi». Pavodle jaho słoŭ, na praviadzieńnie hetaj kampanii adviedziena šeść miesiacaŭ paśla padpisańnia zakonu prezidentam.
Nahadajem, zakonaprajekt «Ab amnistyi niekatorych katehoryj asob, jakija ździejśnili złačynstvy» byŭ pryniaty Pałataj pradstaŭnikoŭ 24 kastryčnika adrazu ŭ dvuch čytańniach.
