Pa inicyjatyvie biełaruskaha boku adbyłasia telefonnaja razmova Uładzimira Pucina z prezidentam Biełarusi Alaksandram Łukašenkam, paviedamlaje sajt rasijskaha kiraŭnika.
Kiraŭniki dziaržaŭ praciahnuli abmien dumkami pa raźvićci vostraj kryzisnaj situacyi va Ukrainie.
«Adznačanyja važnaść i histaryčnaje značeńnie siońniašniaha — u poŭnaj adpaviednaści z praktyčna adnadušnym volevyjaŭleńniem nasielnictva Kryma — ŭźjadnańnia paŭvostrava z Rasijskaj Fiederacyjaj», — paviedamlajecca na sajcie kremlin.ru
A voś viersija siońniašniaj hutarki na sajcie biełaruskaha kiraŭnika:
«Siońnia viečaram adbyłasia telefonnaja razmova prezidenta Biełarusi z prezidentam Rasii.
Alaksandr Łukašenka i Uładzimir Pucin abmierkavali šerah aktualnych pytańniaŭ, u tym liku abmianialisia dumkami adnosna Ukrainy i situacyi, źviazanaj z praviadzieńniem refierendumu ŭ Krymie.
Kiraŭniki dziaržaŭ abmierkavali taksama asobnyja pytańni paradku dnia majučaha adbycca ŭ kancy krasavika ŭ Minsku Vyšejšaha Jeŭrazijskaha ekanamičnaha savieta».
