Biełaruś prykładzie ŭsie mahčymyja namahańni dla taho, kab viarnuć adnosiny pamiž Ukrainaj i Rasijaj da brackich i dobrasusiedskich. Pra heta havorycca ŭ zajavie Ministerstva zamiežnych spraŭ Biełarusi.
«Respublika Biełaruś nie moža być abyjakavaj da padziejaŭ va Ŭkrainie, u tym liku da praviedzienaha 16 sakavika 2014 h refierendumu ŭ Krymiei pryniatym pa jaho vynikach rašeńnia ab uvachodžańni Kryma ŭ skład Rasijskaj Fiederacyi, — adznačajecca ŭ zajavie. — Biełaruś, Rasija i Ukraina źjaŭlajucca brackimi dziaržavami, jakija źviazanyja ahulnaj šmatviakovaj historyjaj. Na supiarečnaściach, jakija ŭźnikali pamiž nami, nieadnarazova sprabavali hrać i vykarystoŭvać ich u karyślivych metach źniešnija siły».
«Ciapier asabliva hłybokuju zakłapočanaść u nas vyklikajuć sproby palitykaŭ, u realnaści dalokich ad padziej, jakija adbyvajucca ŭ rehijonie, vyrašać, što dobra, a što drenna dla našych słavianskich narodaŭ».
«Z ulikam siońniašnich realij Respublika Biełaruś vystupaje suprać adnabokaha, niebiesstarońniaha tłumačeńnia pryncypaŭ mižnarodnaha prava, kab dahadzić hieapalityčnym intaresam, sprobaŭ zajaŭlać pra ŭnikalnaść adnych mižnarodnych situacyj i terytoryj i ihnaravać inšyja», — skazali ŭ MZS.
«Tearetyzavać na hetuju temu siońnia — značyć zahaniać prablemu ŭ tupik. Biełaruś prykładzie ŭsie mahčymyja namahańni dla taho, kab viarnuć adnosiny pamiž Ukrainaj i Rasijaj da brackich i dobrasusiedskich, dapamahčy znajści varyjanty ŭrehulavańnia ŭsich najaŭnych supiarečnaściaŭ i nie dapuskać siłavoha supraćstajańnia», — havorycca ŭ zajavie.
