Urad Ukrainy ŭzhadniŭ płan padrychtoŭki da mahčymaj evakuacyi hramadzian Ukrainy z Kryma.
Pra heta paviedamiŭ ministr Kabinieta ministraŭ Astap Siemiarak:
«My prahnazujem, što masštaby hetaha pracesu istotna vyrastuć u paraŭnańni ź siońniašnim dniom. Rašeńnie pryniataje nie tolki uradam, ale i Savietam nacyjanalnaj biaśpieki dy abarony, zaćvierdžany adpaviedny płan mierapryjemstvaŭ na pasiedžańni Kabinieta ministraŭ», — zajaviŭ Siemiarak.
Ministr adznačyŭ, što ŭrad źviazvajecca z orhanami miascovaj ułady, jakija razam ź minsacpalityki ŭžo pracujuć nad raźmiaščeńniem tych krymčan, jakija pakidajuć svaje damy. Ŭradavy kołł-centr arhanizavaŭ śpiecyjalnuju hrupu, jakaja pracuje ź biežancami.
«Spadziajusia, što hety praces nie budzie nasić pahroźlivaha charaktaru, ale my rychtujemsia da naležnaj reakcyi na mahčymyja mihracyjnyja płyni», — padkreśliŭ jon.
Kankretnyja składniki płana, Siemiarak nia ahučvaŭ, paabiacaŭšy apublikavać jaho na sajcie Kabinieta ministraŭ.
Jak viadoma, ab svajoj hatoŭnaści prymać biežancaŭ z Kryma ŭžo zajaviŭ šerah rehijonaŭ, u pryvatnaści Lvoŭščyna i Chiersonščyna.
