Ntv.ru
Anhieła Mierkiel maje namier pierakanać kiraŭnikoŭ krain ES u nieabchodnaści novych, bolš žorstkich sankcyj u dačynieńni da Rasii. Kancler Niamieččyny patłumačyła, što havorka idzie ab pašyreńni śpisu asobaŭ, jakich zakranie zabarona na ŭjezd u Jeŭropu i aryšt bankaŭskich rachunkaŭ dy inšaj ułasnaści.
Mierkiel abviaściła taksama ab namiery pierahledzieć farmat krasavickich rasijska- hiermanskich pieramovaŭ na vyšejšym uzroŭni i vykazała svajo staŭleńnie da samitu G8:
«Da taho času, pakul nie isnuje palityčnych umovaŭ i harantyjaŭ dla praviadzieńnia takich sustreč, jak «vialikaja vaśmiorka», «vialikaja vaśmiorka»faktyčna nie isnuje, ni ŭ jakaści samitu, ni ŭ jakaści farmatu».
Zrešty, da hetaha času lidery jak ES tak i G8 nie demanstravali supolnaha padychodu ŭ pytańni pra dalejšyja sankcyi. Viadoma, u pryvatnaści, što Łatvija nastojvaje na kampiensacyi ź jeŭrapiejskich fondaŭ.
Francyja raniej zajaviła ab mahčymaści sankcyj nie tolki ŭ dačynieńni da abranych asob, ale i pra vierahodnuju admienu ździełki pa prodažy viertalotanosca Mistral. Adnak hetaja zajava kiraŭnika francuzskaha MZS Łarana Fabijusa sustreła žorstkuju reakcyju Maskvy, jakaja tut ža prystrašyła zapatrabavańniem niaŭstojki za nievykanańnie ŭžo častkova apłačanaha kantraktu. Francuzskija prafsajuznyja lidery ŭ svaju čarhu zajavili, što ŭ vypadku admieny ździełki ŭradu Piataj respubliki pryjdziecca kampiensavać straty pradpryjemstvam, jakija viaduć budaŭnictva karabloŭ.
