Hramadskaja dabračynnaja arhanizacyja «Biełaruski dziciačy chośpis» u krasaviku zapuskaje haračuju liniju dla baćkoŭ chvorych dziaciej. Patelefanavaŭšy na jaje, možna budzie atrymać prafiesijnuju paradu psichołaha, piedyjatra, sacyjalnaha rabotnika, miedsiastry.
Haračaja linija budzie pracavać pa numary (017) 505-27-47 pa budniach z 17.00 da 20.00, paviedamili ŭ chośpisie. Pa paniadziełkach na linii budzie dziažuryć psichołah; pa aŭtorkach — sacrabotnik, jaki zmoža raskazać pra sacyjalnyja prahramy chośpisa, letni łahier i inšyja mierapryjemstvy dla dziaciej i baćkoŭ; pa sieradach i piatnicach — miedsiastra, jakaja zmoža adkazać na pytańni, što tyčacca palijatyŭnaha dohladu doma i pasłuh chośpisa; pa čaćviarhach — piedyjatr.
Aprača taho, ź lutaha dla žycharoŭ Biełarusi stała dastupnaja pasłuha chutkaha dystancyjnaha kansultavańnia pa telefonach: (029) 349-35-92 i (029) 277-48-78. Kansultavańnie pravodzicca z 17.00 da 20.00 u budnyja dni, na pytańni adkazvaje hałoŭnaja miedycynskaja siastra chośpisa Nadzieja Traćciak. Žychary Hrodna i Babrujska, aprača ŭkazanych numaroŭ, mohuć prakansultavacca pa łakalnych telefonach: u Hrodnie — pa numary (025) 603-86-85 (z 15.00 da 18.00), u Babrujsku — (025) 602-78-65 (z 10.00 da 13.00).
Realizacyja pasłuhi ažyćciaŭlajecca ŭ miežach prajekta «Palapšeńnie jakaści žyćcia siemjaŭ ź dziećmi, što znachodziacca ŭ stanie zachvorvańnia, jakoje pahražaje žyćciu, šlacham akazańnia kampietentnaj palijatyŭnaj dapamohi doma ŭ Respublicy Biełaruś» pry finansavaj padtrymcy Jeŭrasajuza.
