 Ziejeŭ Bien-Arje |
25 kastryčnika pasoł i pieršy sakratar pasolstva Ihal Kojfman pačali vykonvać svaje abaviazki ŭ dyppradstaŭnictvie paśla tydniovaha adpačynku, jaki jany razam ź siemjami praviali na radzimie. Jak zaznačyŭ sp. Bien‑Arje, pieryjad praviadzieńnia adpačynkaŭ izrailskich dypłamataŭ «zusim vypadkova supaŭ» pa časie ź jaho kamientaryjem nakont vykazvańniaŭ prezidenta Biełarusi na sustrečy z žurnalistami rasijskich rehijanalnych ŚMI 12 kastryčnika. Pavodle słoŭ Ziejeva Bien‑Arje, «čystym supadzieńniem» stali taksama adnačasovyja adpačynki dvuch dypłamataŭ, «čaho raniej nie było».
Pasoł paviedamiŭ, što padčas jaho znachodžańnia na radzimie ŭ MZS Izraila abmiarkoŭvalisia ŭsie pytańni izrailska‑biełaruskich adnosinaŭ.
«U MZS Izraila ź vialikaj zaniepakojenaściu sustreli vykazvańni sp. prezidenta Biełarusi ab jaŭrejach Babrujska i Izraila, ab čym śviedčyć zajava ministra zamiežnych spraŭ Cypi Liŭni i zaprašeńnie ŭ MZS pasła Biełarusi ŭ Izraili Ihara Laščeni dla abmierkavańnia hetaha pytańnia», — skazaŭ Ź.Bien‑Arje.
Pasoł zaznačyŭ, što chacia jon nie prysutničaŭ na hetaj sustrečy, z paviedamleńniaŭ ŚMI jamu viadoma, što I.Laščenia kazaŭ ab niekalki niapravilna zrazumietym vykazvańni, jakomu nie varta nadavać asablivaj uvahi.
«Ale heta, na naš pohlad, nie moža być tłumačeńniem, pakolki ŭ najaŭnaści adhałoski antysiemickich matyvaŭ, jakija hučać z vusnaŭ prezidenta, navat kali dapuścić, što jaho vykazvańni nie byli naŭmysnym i pradumanym antysiemickim krokam», — skazaŭ dypłamat.
Pavodle jaho słoŭ, reakcyja pasolstva i MZS Izraila na vykazvańni prezidenta Biełarusi havoryć ab tym, što «abaviazki ŭ dačynieńni da jaŭrejskich abščyn źjaŭlajucca adnoj z hałoŭnych zadač našaj dziaržavy».
Dypłamat vykazaŭ spadziavańnie, što zaniepakojenaść izrailskaha boku budzie «pravilna zrazumieta ŭ Biełarusi, bo samo isnavańnie Dziaržavy Izrail praduhledžvaje maksimalnuju ŭvahu da takich pytańniaŭ».
Nahadajem, na pres‑kanfierencyi 12 kastryčnika Alaksandr Łukašenka, u pryvatnaści, zajaviŭ:
«Kali vy byli ŭ Babrujsku, vy bačyli, u jakim stanie horad? Strašna było zajści, śvinušnik byŭ. Heta ŭ asnoŭnym jaŭrejski byŭ horad, vy viedajecie, jak jaŭrei staviacca da miesca, dzie jany žyvuć. Pahladzicie ŭ Izraili, ja voś byŭ… Ja ni ŭ jakim vypadku nie chaču pakryŭdzić, ale jany nie vielmi kłapociacca, kab padstryžana trava była, jak u Maskvie, u rasijan, biełarusaŭ».
17 kastryčnika ŭ kamientaryi BiełaPAN Ź.Bien‑Arje vykazaŭ «ździŭleńnie i škadavańnie» nakont vykazvańniaŭ prezidenta Biełarusi ŭ adras jaŭrejaŭ. «U hetych vykazvańniach čujucca adhałoski, jak ja spadziavaŭsia, daŭno pachavanaha historyjaj adukavanaha čałaviectva mifa ab jaŭrejach nieachajnych, brudnych, jakija drenna pachnuć, mifu antysiemickaha», — zaznačyŭ dypłamat.
