U Dzień Voli biełaruski nacyjanalny ściah byŭ uźniaty ŭ Stakholmie la budynku, dzie raniej raźmiaščałasia ambasada Biełarusi.
Ambasada prypyniła svaju pracu nieŭzabavie paśla skandału z desantam plušavych miadźviedzikaŭ, jaki zładziła šveckaja PR-firma nad terytoryjaj Biełarusi. Fłahštok na placy kala ambasady z taho času stajaŭ pusty.
25 sakavika z ranicy na im łunaje bieł-čyrvona-bieły ściah pobač sa ściahami krain, čyi ambasady taksama miaškajuć u hetym ža budynku, u tym liku ambasada Ukrainy. Siońnia ad ranku biełaruski nacyjanalny ściah taksama ŭźniaty na vysačeznym fłahštoku na ŭjezdie na vyspu Lidzińjo, na jakoj znachodziłasia biełaruskaja ambasada. Hety scah dobra bačny zdalok šmatlikim pasažyram hramadskaha i pryvatnaha transpartu, jakija ruchajucca pa vialikim moście na Lidzińjo.
