 Pahada Šviedahon |
Uzbrojenyja žaŭniery atačyli pahady Šviedahon i Sule, la jakich prachodzili vieraśniovyja demanstracyi. Uzmacnieńnie režymu supała z zaviaršeńniem budyjskaha postu, i, jak miarkujuć, skiravana na praduchileńnie novych akcyj pratestu.
Jak paviedamlaje ahienctva Reuters, vojski trymajuć napahatovie špuli z kalučym drotam, kab pierakryć vulicy ŭ vypadku pačatku demanstracyj.
Tym časam, na vulicach pakul niama nijakich prykmietaŭ masavych akcyj. Razam z tym u Janhonie niamała pałomnikaŭ.
Žaŭniery vyjšli na vulicy najbujniejšaha horadu Mjanmy na nastupny dzień paśla sustrečy lidera apazycyi Aunh San Su Džy z pradstaŭnikom vajennaha kiraŭnictva krainy hienerałam Aunh Džy.
Aun Čy byŭ pryznačany na hetuju pasadu ŭ pačatku miesiaca, paśla taho, jak pasłańnik AAN Ibrahim Hambary dabiŭsia arhanizacyi dyjalohu miž pradstaŭnikami chunty i apazycyi.
Viestka pra hetu sustrečy, padrabiaznaści jakoj nieviadomyja, była z radaściu sustreta žycharami krainy.
«My sapraŭdy natchnionyja hetaj navinoj», — skazaŭ uładalnik čajnaj łaŭki karespandentu Reuters. ‑‑ Ja spadziajusia, što heta pačatak pieramienaŭ».
Usie papiarednija sproby naładzić dyjaloh pamiž vajennymi i apazycyjaj ni da čoha nie pryviali.
U minułym miesiacy vojski ŭžyli siłu dla zadušeńnia antyŭradavych demanstracyj, jakija praciahvalisia niekalki dzion. Pavodle kiraŭnictva Mjanmy, tady zahinuli 10 čałaviek. Adnak pravabaroncy i dyplamaty schilnyja ličyć, što heta ličba istotna zanižana.
Pa niekatorych acenkach sotni čałaviek jašče znachodziacca ŭ turmach.
