74% rasijanaŭ hatovyja padtrymać dziejańni kiraŭnictva RF u vypadku pačatku vajennaha kanfliktu va Ukrainie. Pra heta śviedčyć apytańnie rasijskaj niekamiercyjnaj arhanizacyi Levada-centr, praviedzienaje 21-24 sakavika.
Pry hetym pačatak vajny pamiž dźviuma dziaržavami bolš za pałovu žycharoŭ Rasii ličać małavierahodnym (53%). Jašče 13% kateharyčna admaŭlajuć jaho mahčymaść, a 23% usio ž taki ličać, što taki varyjant raźvićcia padziej całkam vierahodny.
77% apytanych upeŭnienyja, što adkaznaść za paharšeńnie adnosin pamiž Ukrainaj i Rasijaj całkam abo ŭ bolšaj miery lažyć mienavita na kiraŭnictvie pieršaj. Bolš za tracinu ź ich (36%) ličać, što ŭnutranyja kanflikty na Ukrainie pryviaduć da hramadzianskaj vajny, i tolki 14% pierakananyja, što novyja ŭłady stabilizujuć situacyju. 12% ličać, što «uviadzieńnie rasijskich vojskaŭ pryviadzie da stabilizacyi stanovišča ŭ krainie».
Pry hetym 73% schilnyja ličyć novuju ŭładu ŭ Kijevie nielehitymnaj.
Pratestavać suprać ŭmiašańnia Rasii ŭ spravy Ŭkrainy rasijcy pieravažna nie nastrojenyja. 28% padtrymlivajuć ci chutčej padtrymlivajuć padobnyja akcyi, prymać u ich udzieł hatovyja 13% apytanych.
U apytańni pryniali ŭdzieł 1603 čałavieka va ŭzroście 18 hadoŭ i starej ŭ 130 nasielenych punktach 45 rehijonaŭ krainy, statystyčnaja chibnaść dadzienych hetych daśledavańniaŭ nie pieravyšaje 3,4%.
