Hety namier byŭ ahučany na pracoŭnaj sustrečy kiraŭnictva «Bieł Chuavej Technoładžyz» (pradstaŭnictva kitajskaha telekamunikacyjnaha hihanta ŭ našaj krainie) z namieśnikam premjer-ministra Anatolem Tozikam, paviedamlajuć u pres-słužbie ŭrada.
Hienieralny dyrektar kampanii Čžan Dunlan paćvierdziŭ zacikaŭlenaść kitajskaha boku ŭ stvareńni intelektualna-transpartnaj sistemy Minska, a taksama ŭ realizacyi ŭ stalicy Biełarusi prajekta «Biaśpiečny horad», jaki Huawei ŭžo paśpiachova ŭkaraniła nie tolki ŭ Kitai (horad Čendu), ale i za miažoj (Dušanbe, Kišynioŭ).
Prajekt «Biaśpiečny horad» — heta prahramny kompleks z užyvańniem videaianalityčnych rašeńniaŭ, jaki dapamahaje chutka vyznačyć i apieratyŭna adreahavać na ŭsiakaha rodu niaštatnyja situacyi na haradskich vulicach, a taksama svoječasova pryniać miery pa likvidacyi ich nastupstvaŭ. Kali koratka, heta kompleksnaja infarmacyjnaja sistema, zdolnaja akumulavać, abjadnoŭvać, analizavać i hrupavać raznastajnyja dadzienyja, jakija pastupajuć z mnostva krynic, u tym liku videakamier.
Ciapier kampanija znachodzicca ŭ pošuku nadziejnaha biełaruskaha partniora dla pašyreńnia śfier svajoj dziejnaści ŭ Biełarusi, u tym liku dla arhanizacyi sumiesnych raspracovak i sumiesnaj vytvorčaści. Akramia taho, Huawei ppracuje nad pytańniem ab rehistracyi daččynaj kampanii ŭ Kitajska-biełaruskim industryjalnym parku dla arhanizacyi na jaho terytoryi novych vytvorčaściaŭ.
